काठमाडौं । फेयर फुटबल क्लब धरान र मिर्मिरे क्लव तामाफोक, मादी नगर रनिङ कप फुटबलको फाइनलमा भिड्ने भएका छन् ।
शनिबार भएको दोस्रो सेमिफाइनलमा एडभान्स क्लव मानेभञ्ज्याङलाई ३–० ले पराजित गर्दै धराने क्लबले मिर्मिरे क्लबसंगको उपाधि भिडन्त पक्का गरेको हो ।
हाङ्थुम् क्लवको खेलमैदान भएको खेलमा धरानको जितमा रमेश राजवंशी, साजन राई र क्रिस राइले गोल गरे ।
धरानका मिलन राई 'म्यान अफ दि म्याच' बने ।
यसअघि, पहिलो सेमिफाईनलमा देउराली क्लव धनकुटालाई सडनडेथमा पराजित गर्दै मिर्मिरे क्लव तामाफोकल फाईनल पुगेको थियो ।
निर्धारित समयको खेल १–१ गोलको बराबरीमा सकिएपछि निर्णय टाईब्रेकरमा गरिएको थियो ।
टाईब्रेकरमा दुवै टिमले ३–३ गोल गरेपछि खेलको निर्णय सडनडेथमा गरिएको थियो ।
सडनडेथमा राजकुमार जिमी र राज जिमीले गोल गरे । धनकुटाका सबल राइले गोल गरे । बिवस लिम्बुको प्रहार मिर्मिरेका गोल रक्षक प्रदिप जिमीले बचाए ।
फाईनल खेल सोमबार हुनेछ ।
प्रतियोगितामा ८ टिम सहभागी छन् । प्रतियोगिताको विजेताले १ लाख १५ हजार र उपविजेताले ७५ हजार रुपैयाँ प्राप्त गर्नेछन् ।
विधागततर्फका उत्कृष्ट खेलाडीलाई समेत पुरस्कारको व्यवस्था गरिएको छ ।
