एजेन्सी । बुन्डेशलिगा क्लब बोरुसिया डर्टमण्डले फरवार्ड पाको अल्सासेर स्पेनिस क्लब भिल्ला रियल पुगेको पुष्टि गरेको छ ।
डर्टमण्डले २३ मिलियन युरोमा आफ्ना फरवार्ड स्पेनिस क्लब पुगेको बताएको हो ।
२६ बर्षका फवार्डले ३७ बुन्डेशलिगा खेलमा २३ गोल गरेका छन् ।
नयाँ फरवार्ड इर्लिङ हालान्ड क्लबमा आएपछि उनले बोरुसियामा अवसर पाएका थिएनन् ।
गत सिजन रोबर्टो लेवान्डोस्कीले मात्र अल्सासेर भन्दा धेरै गोल गरेका थिए ।
फरवार्ड अल्सासेरले स्पेनिस क्लबसंग साढे ५ बर्षको सम्झौता गरेका छन् । उनी क्लबका कीर्तिमानी खेलाडी हुन् । सन् २०१८ मा क्लबले जेरार्ड मोरिनोलाई कीर्तिमानी २० मिलियन युरोमा अनुबन्धन गरेको थियो ।
उनले आगामी आईतबार ओसासुनाविरुद्धको खेलमा नयाँ क्लबबाट डेब्यु गर्नेछन् ।
उनले भ्यालेन्सिया लागेका रोड्रिग्वो मोरिनोको स्थान क्लबमा लिनेछन् ।
भिल्ला रियलले पछिल्लो समय अल्सासेरलाई अनुबन्धनको प्रयास गरिरहेको थियो । स्पेनिस सहकर्मी राहुल अल्वोल र स्यान्टि काजार्लाले समेत उनलाई क्लबमा ल्याउन प्रयास गरिरहेका थिए ।
उनकाे बहिर्गमनमा डर्टमण्डले बिज्ञप्ती जारी गर्दै उनलाई छाेड्ने निर्णय लिन सजिलाे नभएकाे बताएकाे छ ।
