एजेन्सी । नयाँ वर्ष २०२० संघारमा आइपुगेको छ । प्रिमियर लिगको नयाँ सिजनमा करिब आधा खेल सकिए । २०१८÷१९ को पछिल्लो आधा सिजन र यस बर्षको पहिलो आधा सिजनमा विभिन्न क्लब र खेलाडीको बारेमा छोटो विश्लेषण बीबीसीले गरेको छ ।
गत सिजन म्यान्चेस्टर सिटीले इंग्लिस प्रिमियर लिगको उपाधि लगातार दोस्रो पटक जित्यो भने लिभरपुलले च्याम्पियन्स लिग र क्लब विश्वकपको उपाधि हात पार्यो ।
उता प्रिमियर लिगको सबैभन्दा धेरै उपाधि जितेको म्यान्चेष्टरले युरोपा लिगमै स्थान बनाउन सकेन । त्यसैले, बर्षको अन्तिममा यस्ता विभिन्न घटनाबारे चर्चा गर्ने बेला भएको छ ।
वर्षको उत्कृष्ट खेलाडीदेखि क्लबको खराब नियतीबारे यहाँ चर्चा गरिएको छ ।
वर्षको अन्तर्वाता – मार्टाको प्रेरक भनाई
‘सुरुको रुवाइ जसले तपाईलाई अन्त्यमा हँसाउनेछ ।’
ब्राजिलकी मार्टा विश्वकपमा धेरै गोल गर्ने खेलाडी बनिन् । उनी विश्वकपमा १७ गोल गर्ने पहिलो खेलाडी बन्न सफल भईन् ।
ब्राजिलले विश्वकपमा फ्रान्ससँग त हार्यो तर उनको माथि उल्लेखित भनाइले सबैको मन जित्यो । उनले फ्रान्ससँग खेल सकिने वित्तिकै मैदान नजिकै भएको एक क्यामेरामा पुगेर सानो कुरा राखेकी थिईन् ।
उनको सोही भनाईले महिला विश्वकपमा सबैलाई भावनात्मक बनाएको थियो ।
प्लेयर अफ दि ईयर
जेमी भार्डी, सन् २०१९ मा पुन जन्मिए । गत वर्षको अन्त्यमात्र उनी लयमा आए । उनले खेलमा विस्तारै गोलको संख्या बढाए । भार्डीले लिगको आधा खेल सकिँदा १७ गोल गरिसकेका छन् ।
लिगमा केही खेलाडीको एकल प्रदर्शन खास छ, त्यसमा भार्डी उत्कृष्ट छन् ।
म्यानेजर अफ द ईयर
उनले आधा बर्षमै क्लबलाई राम्रो गति प्रदान गरे । आधा वर्षमा जे गरे, त्यसको बयान गर्न गाह्रो छ । उनी हुन्, सेफिल्ड युनाईटेडका प्रशिक्षक क्रिस वाइल्डर ।
सेफिल्ड युनाइटेडले गत सिजनमा इंग्लिस च्याम्पियनसिप खेल्यो । त्यो भन्दा अघिल्लो सिजनमा पनि च्याम्पियनसिपमै रह्यो ।
सन् २०१७-१८ को सिजनमा ११ औं स्थानमा रहेको टोली गत सिजन च्याम्पियनसिपको दोस्रो स्थानमा आउनु सजिलो भने थिएन ।
वाइल्डरलाई किन पनि श्रेय पनि जान्छ भने उनले सानो रकममा क्लबलाई प्रिमियर लिगसम्म ल्याई पुर्याए । सानो रकममा पनि क्लबलाई राम्रो गर्न सफल भए ।
उनले कसरी खेलाडीलाई हौसला र प्रेरणा प्रदान गरे भन्ने कुराले फुटबल प्रशंसकलाई मोहित बनाएको छ । बिरलै मात्र राम्रो खेल्ने क्लबका खेलाडीलाई विश्वकै उत्कृष्ट लिगसम्मको यात्रा गराउन सक्नु सानो कुरा थिएन ।
असफल क्लबमा आर्सनल
अघिल्लो सिजन धेरै असफलता पाउने क्लबका रुपमा मानिसले म्यान्चेस्टर युनाइटेडलाई मानेका छन् । अथवा मार्को सिल्भा, जसले समर ट्रान्सफरमा ठूलो खर्चका बाबजुद पनि राम्रो प्रदर्शन गराउन सकेनन् ।
दिएका दुवै उदाहरण आर्सनलका छेउमा फिक्का जस्तै लाग्छन् ।
किनभने विगतका धेरै सिजनमा ‘शीर्ष चारमा’ रहँदै आएको टिम गत सिजन पाँचौँ स्थानमा रह्यो । यो चित्त बुझाउने अवस्था थिएन ।
यो बर्ष आर्सनल लिगको १२ औं स्थानमा छ । लण्डन क्लबले २० खेलमा मात्र २४ अंक बटुलेको छ । लामो समय काम गरेका म्यानेजर भए पनि आर्सनलको प्रदर्शन खासै उत्कृष्ट देखिएको छैन ।
जसकारण आर्सनल यो वर्षको असफल टोली हो ।
वर्षकै उत्कृष्ट अनुबन्धन
केही क्लबले समर विन्डोमा धेरै खर्च गरेका छन् ।
टिमको शक्ति बढाउन र आफुभन्दा शक्तिशाली टिमलाई चुनौती दिन युरोपेली क्लब हानथापनै गर्छन् ।
आर्सनलले निकोलस पेपलाई अनुबन्धन गर्न ७४ मिलियन यूरो खर्च गर्यो ।
टोटनहेमले तुन्गी नेडेम्बेलेका लागि ५३ दशमलव ८ मिलियन यूरो खर्च गर्यो भने म्यान्चेस्टर युनाइटेडले ८० मिलियन यूरोमा लेस्टर सिटीबाट ह्यारी म्यागुएरेलाई किन्यो ।
गत अगष्टमानै बीबीसीले गरेको एक सर्वेक्षणमा आर्सनलको पेपलाई फुटबल फ्यानले उत्कृष्ट अनुबन्धन भनेका थिए ।
सर्वेक्षणमा आर्सनलका पेपले २१ प्रतिशत भोट पाए । तर, वर्षको अन्त्यमा पेपले राम्रो प्रदर्शन भने गर्न सकेनन् । त्यसैले यो वर्षको उत्कृष्ट अनुबन्धन स्टार खेलाडी युरी टाइलेमन्सलाई मानिएको छ ।
टाइलेमन्स अहिले प्रिमियर लिगको उत्कृष्ट मिडफिल्डर मानिन्छन् ।
साउथह्यामको हार
गत अक्टोबर २५ मा भएको प्रिमियर लिगको खेलमा साउथह्याम लेस्टर सिटीसँग ९–० ले पराजित बन्यो । उसले घरेलु मैदानमा सो हार व्यहोर्यो ।
पहिलो हाफमा ५–० ले पछि परेको उसले दोस्रो हाफमा थप चार गोल ब्यहोर्यो ।
एक सय ३१ वर्षको फुटबल इतिहासमा पाहुना टोलीले निकालेको यही ठुला जित हो ।
लेस्टरले २४ वर्ष पुरानो म्यान्चेस्टर युनाइटेडको जितलाई याद गराएको छ । सन् १९९५ मा म्यान्चेस्टरले पाउना टोलीलाई ईप्सविचलाई ९–० को हार चखाएको थियो ।
वर्षको दुखको पल
फुटबलमा भीएआर नयाँ प्रविधि हो । यसले विश्व फुटबलको खेलाडी र प्रशिक्षकमै नयाँ तरंग पैदा गरेको छ । भीएआरले प्रशिक्षकको टाउको दुख्नु सामान्य जस्तै भएको छ ।
यो प्रविधिको सबैभन्दा दुख पेप ग्वार्डीवालाले भागेको सबैले महशुस गरेका छन् ।
किनभने म्यान्चेस्टर सिटी भीएआरको नतिजाको कारण च्याम्पियन्स लिगबाट बाहिरिनु पर्यो ।
उसले पाएको पेनल्टी भीएआरको कारण रोकिएपछि यस्तो अवस्था आयो । त्यसैले यो वर्षको सबैभन्दा दुखको पल पेप ग्वार्डीवालाको म्यान्चेस्टरलाई जान्छ ।
वर्षको उत्कृष्ट एकल प्रदर्शन
खेलमा ह्याट्रिक गर्नुलाई धेरैनै राम्रो मानिन्छ । झन् दोहोरो ह्याट्रिक त हदै हुन्छ । गोलसँगै चार एसिस्ट भएपछि हद समेत पार हुन्छ ।
यो काम विवियन मीडेमाले गरिन् । उनी आर्सनल महिला टिमकी सदस्य हुन् । ब्रिस्टोलविरुद्व जित निकाल्ने क्रममा उनले सनसनीपूर्ण प्रर्दशन गरिन् ।
महिला सुपर लिग इतिहासमा यो नै सबैभन्दा ठूलो जीत हो ।
