एजेन्सी । युईएफए च्याम्पियन्स लिग फुटबलको नकआउट चरण पुग्ने सबै १६ टिमको टुंगो लागेको छ ।
बुधबार राति समूह चरणको अन्तिम खेलहरु सकिएसँगै अन्तिम १६ मा पुग्ने टोलीको तय भएको हो ।
यस सिजन प्राय सबै ठुला क्लबले नकआउट चरणमा स्थान बनाएका छन् । साविक विजेता लिभरपुलसहित सर्वाधिक सफल क्लब रियल मड्रिड लगायतले नकआउट चरणमा स्थान बनाएका छन् ।
च्याम्पियन्स लिगको नकआउट चरणमा इन्ग्लिश प्रिमियर लिग र स्पेनिस ला लिगा खेल्ने क्लबको वर्चश्व रहेको छ ।
इंग्ल्याण्डबाट र स्पेनबाट समान चार चार टिम नकआउट चरणमा पुगेका छन् ।
इंग्ल्याण्डबाट लिभरपुल, म्यानचेस्टर सिटी, चेल्सी र टोटेनहमले नकआउट चरणमा स्थान बनाएका छन् । यस्तै स्पेनबाट बार्सिलोना, रियल मड्रिड, भ्यालेन्सिया र एट्लेटिको मड्रिडले अन्तिम १६ को यात्रा तय गरेका छन् ।
यस्तै इटालीबाट युभेन्ट्स, नापोली, एट्लान्टा, जर्मनबाट वायर्न म्युनिख, बोरुसिया डर्टमण्ड, आरबी लिपजीग तथा फ्रान्सबाट पेरिस सेन्ट जर्मेन (पीएसजी) र लियोनले नकआउट चरणमा स्थान पक्का गरेका छन् ।
-1751597995.webp)
