एजेन्सी । मार्कुस रासफोर्ड चम्किँदा म्यान्चेष्टर युनाईटेडले प्रिमियर लिग फुटबलमा टोटेनहमलाई हराएको छ ।
बिहिबार ओल्डट्राफोर्डमा भएको खेलमा युनाईटेडले टोटेनहमलाई २–१ गोल अन्तरले निराश बनाएको हो ।
खेलमा अग्रता छैटौ मिनेटमा युनाईटेडले रासफोर्डको गोलबाट लिएको थियो । उनले टोटेनहमका गोलकिपर पाउलो गाजानिगालाई समेत विट गर्दै युनाईटेडलाई अग्रता दिलाएका थिए ।
३९ औ मिनेटमा भ्रमणकारी टोलीका डेल अलीले गोल गर्दै खेल बराबरीमा ल्याएका थिए ।
रासफोर्डले ४९ औ मिनेटमा पेनाल्टीमा ब्यक्तिगत दोस्रो गोल गर्दै युनाईटेडलाई जित दिलाए ।
टोटेनहमका फरवार्ड मौसा सिसोकोले फल गरेको देखिएपछि युनाईटेडले पेनाल्टीको अवसर पाएको थियो ।
रासफोर्डको गोलसंगै युनाईटेडका पुर्व प्रशिक्षक जोसे माउरिन्होको टोटेनहमका लागि तीन खेलको विजयी यात्रामा पुर्णविराम लागेको छ ।
युनाईटेडले गोलका थुप्रै अवसर सिर्जना गरेपनि थप गोल गर्न भने सकेन । रासफोर्ड आफै ह्याट्रिक गर्न चुकेका थिए ।
सन् २०१३ मा युनाईटेडका फरवार्ड रोबिन भान पर्सीले एस्टन भिल्लाले अन्तिम पटक युनाईटेडका लागि ह्याट्रिक गरेका थिए ।
तर रासफोर्डले पछिल्ला १३ खेलमा १२ गोल गर्न सफल छन् । त्यसमा ९ प्रिमियर लिग गोल गरेका रासफोर्ड चालू सिजनमा राम्रो लयमा देखिएका छन् ।
युनाईटेड १५ खेलबाट २१ अंक सहित छैटौ स्थानमा रहेका छन् । टोटेनहम २० अंक सहित आठौं स्थानमा छन् ।
