चित्रकारलाई उपाधि

काठमाडौं । गोपाल चित्रकारले स्टान्डर्ट चार्टर्ड बैंक प्रायोरिटी गल्फको उपाधि जितेका छन् ।

गोकर्ण गल्फ क्लबमा शनिबार काउन्ट ब्याकको आधारमा चित्रकारले उपाधि जितेका हुन् ।

टासी छिरिङ र प्रिन्स भण्डारीसँग समान ३७ अंक भएपछि चित्रकारले काउन्ट ब्याकमा उपाधि आफ्नो बनाए ।

महिलातर्फको उपाधि आरती रानाले जितिन् । ३३ अंक जोडेकी रानले ३२ अंक जोडेकी रेखा घिमिरेलाई पछि पारिन् ।

रबिन्द्र मान् श्रेष्ठले क्लोजेस्ट टु द पिनको उपाधि जिते । पुरुषतर्फ विजय श्रेष्ठ र महिलातर्फ रेखा घिमिरेले लगेस्ट ड्राइभको उपाधि जिते ।

प्रतियोगितामा ७८ गल्फरको सहभागिता रहेको थियो । विजेतालाई स्टान्डर्ट चार्टर्ड बैंकका सीईओ अनिर्भन घोषले लगायतले पुरस्कृत गरे ।