गन्तव्य एमर्जिङ कप फुटसल हुने

धनगढी । धनगढीमा गन्तव्य एमर्जिङ कप अन्तर मावि स्तरीय फुटसल प्रतियोगिता हुने भएको छ ।

गन्तव्य एजुकेशन फाउण्डेसन कैलालीको आयोजनामा हुने प्रतियोगिता कात्तिक २९ र ३० हुनेछ ।

धनगढीको फल्याटल्याण्ड फुटसलमा हुने प्रतियोगितामा १३ वटा विद्यालयको सहभागिता रहने छ ।

प्रतियोगिताको विजेताले २२ हजार दुई सय २२ रुपैयाँ तथा उपविजेताले ११ हजार एक सय ११ रुपैयाँ नगद सहित ट्रफी पाउने छन् ।