गल्फर शुक्र नगदसहित सम्मानित

काठमाडौं । गल्फर शुक्र बहादुर राई नगदसहित सम्मानित भएका छन् ।

नेपाल गल्फ संघले सोमबार शुक्रलाई नगदसहित सम्मान गरेको हो । हालै भुटानमा सम्पन्न २८ औं भुटान ओपन एमेच्योर गल्फको उपाधि जितेका शुक्रलाई संघले ५० हजार नगदसहित सम्मान गरेको हो ।

यस्तै संघले नेपालका अन्य खेलाडी सुवास तामाङ, टंक कार्की र निरज तामाङलाई पनि नगदसहित सम्मान गरेको छ ।

संघले सुवासलाई १० हजार तथा टंक र निरजलाई समान ५/५ हजारबाट सम्मानित गरेको छ ।