ललितपुर भर्सेस पोखरा – सुखद बिदाईकाे प्रतिक्षा
काठमाडौं । वुमन च्याम्पियन लिग (डब्लुसिएल) अन्र्तगत आज (सोमबार) लिग चरणको अन्तिम खेल हुदैछ ।
प्रतियोगितामा एउटा पनि जित हासिल गर्न नसकेका पोखरा पल्टन र ललितपुर फाल्कोनले लिग चरणको अन्तिम खेलमा प्रतिस्पर्धा गर्दैछन् ।
दुवै टिम प्रतियोगिताबाट बाहिरिसकेका छन् ।
काठमाडौंको कीर्तिपुरस्थित त्रिवि मैदानमा हुने खेल बिहान साढे ११ बजे सुरु हुनेछ ।
पहिलो संस्करणको प्रतियोगिता नतिजाका हिसाबले दुवै टिमलाई गतिलो रहन सकेन । त्यसैले दुवै टिम अन्तिम खेल बाँकी रहदै प्रतियोगिताको अघिल्लो समिकरणबाट बाहिरिसकेका छन् ।
तर सोमबार मैदान उत्रदै गर्दा दुवै टिम सुखद बिदाईको प्रतिक्षामा हुनेछन् ।
पोखरा र ललितपुर अंक विहिन हुँदै प्रतियोगिताको पुछारमा रहेका छन् ।
पोखराकी कप्तान सिता राना मगर र ललितपुरकी नेरी थापा पहिलो संस्करणको प्रतियोगितामा टिमलाई अघि बढाउन असफल रहे ।
रोउण्ड राबिन लिगका आधारमा शीर्ष स्थानमा रहदै चितवन राईनोज प्रतियोगिताको फाईनल प्रवेश गरिसकेको छ ।
दोस्रो स्थानमा रहेको काठमाडौं र तेस्रो स्थानमा रहेको विराटनगरले प्लेअफमा स्थान बनाईसकेका छन् ।
