एजेन्सी । फ्रान्सेली क्लब पेरिस सेन्ट जर्मेन पीएसजीका प्रशिक्षक थोमस टुचेलले ब्राजिली स्टार नेयमारलाई क्लबमा आराम गर्ने छुट नरहेको बताएका छन् ।
समर ट्रान्सफरमा बार्सिलोना जान असफल भएका नेयमारलाई प्रशिक्षक टुचेलले सो कुरा बताएका हुन् ।
ब्राजिली स्टार नेयमारले बार्सिलोना फर्कने आफ्नो चाहनालाई लुकाएका थिएनन् । उनले सार्वजनीक रुपमा दुई बर्षको लिग वान बसाईपछि क्याम्प नेउ फर्कने चाहेको बताएका थिए ।
बार्सिलोनाले ब्राजिली स्टारलाई पुन क्लबमा फर्काउन हरेक कोशिश गरेको थियो । तर पीएसजीको माग पुरा गर्न नसकेपछि नेयमारको स्पेन फर्कने चाहना असफल भएको थियो ।
२७ बर्षिया खेलाडीले फ्रान्सेली क्लबमा उत्कृष्ट प्रर्दशन गर्न समस्या झेल्दै आएका छन् । तर प्रशिक्षक टुचेलले ब्राजिली स्टार नेयमार क्लबप्रति प्रतिबद्व रहेर लगातार उत्कृष्ट प्रर्दशन गर्न आवश्यक रहेको बताएका छन् ।
'यो मेरो निर्णय थिएन, उसको समेत थिएन ।' नेयमारको फ्रान्स बसाईको बिषयमा टुचेलले भनेका छन् ।
टुचेलले भने, 'हामीबीच धेरै केही परिर्वतन भएको छैन । मलाई थाहा छ, उनी क्लब छाड्न चाहन्थे । उनलाई समेत थाहा छ, म उनको निर्णयको विपरित थिए । यो सहि समय थिएन । प्रशिक्षकको रुपमा म प्रष्ट थिए, म उनी गएको हेर्न चाहदैन थिए । यो सबैलाई थाहा छ, त्यो मेरो निर्णय थिएन, अन्तिममा उनको पनि थिएन ।'
'क्लब निकै स्पष्ट स्थितीमा थियो । यो स्थापित थियो कि, उनी तबसम्म खेल्ने छैनन्, जब सम्म उनी यहाँ रहने टुङ्गो लाग्ने छैन । सोही कारण म आफ्नो टिममा केन्द्रित रहे । मैले कहिल्यै उनलाई सोधिन, तिमी खेल्छौ वा खेल्दैनौ भनेर । निर्णय निकै स्पष्ट थियो, यो निकै माथिबाट आएको थियो । यसले मलाई केही सहज बनायो ।' उनले भने ।
'अवस्था साधारण छैन । समर्थकले आफ्नो राय दिएका छन् । म सबै बुझ्छु । उनीहरुसंग अधिकार छ, उनीहरुलाई मनका लागेको कुरा बोल्ने । उनीहरु आफ्नो क्लबमा गर्व गर्छन् । मैले भनेको छु, उनले अवस्थाको सामना गर्नुपर्छ । मेरो काम भनेको उनलाई उत्कृष्टमा पुग्न सहयोग गर्ने हो ।' टुचेलले थपे ।
नेयमार लामो समय चोटका कारण मैदान बाहिर रहे । तर उनी यस सिजन मैदान फर्किएपछि उत्कृष्ट प्रर्दशन गरिरहेका छन् ।
उनले लिग वानको ६३ खेलमा ५५ गोल गरेका छन् ।
-1746894755.jpeg)
