एजेन्सी । स्पेनका प्रशिक्षक रोबर्ट मोरिनोले रियल मड्रिड र स्पेनका कप्तान सर्जियो रामोसले ४० बर्षको उमेरसम्म खेल्न सक्ने बताएका छन् ।
३३ बर्षका रामोसले शीर्ष स्थानमा रहदै लामो समय अन्तराष्ट्रिय करियर अघि बढाए । उनले १७ बर्षको उमेरमा ला लिगामा सेभिल्लाबाट डेब्यु गरेका थिए ।
उनी रियल मड्रिडमा सन् २००५ मा अनुबन्धन भएका थिए । उनले रियलमा आफुलाई स्थापित मात्र गरेनन्, सम्भावित सबै उपाधि समेत हात पारे ।
रियल मड्रिडमा रहदाँ रामोसले चार ला लिगा उपाधि जिते । दुई पटक कोपा डेल रे र चार पटक च्याम्पियन्स लिगको उपाधि जिते ।
अन्तराष्ट्रिय स्तरमा समेत उनले स्पेनका लागि सबै उपाधि हात पारे । उनी स्पेनिस टिमको सधै महत्वपुर्ण सदस्य रहे । सन् २००८ र २००१२ को युरो कप र सन् २०१० को विश्वकपको उपाधि जित्दा रामोस टिमका महत्वपुर्ण सदस्य रहे ।
उनलाई जेरार्ड पीकेले सहकर्मीको रुपमा लामो समय साथ दिए ।
स्पेनका प्रशिक्षक मोरिनोले रामोस अझै सात बर्ष अगाडी जान सक्ने बताउँछन् ।
'उनले सबै चिज अविश्वसनिय रुपमा जितेका छन् ।' मोरेनोले भनेका छन्, 'उनले हामीलाई सबै चिज दिएका छन् ।'
'म सधै उनमा सबै चिज सुधार गर्ने भावना देख्छु । हाम्रो सामु उनको व्यवहार असाधारण छ ।' उनले थपे ।
'उनले ईकर कासिलासको सर्वाधिक क्यापको रेकर्ड भंग गर्नेछन् । उनी आफै ४० बर्षको उमेरसम्म खेल्न चाहन्छन् । मलाई लाग्छ, उनी सफल हुनेछन् । यो सबै तरिकाले अविश्वसनीय रहनेछ ।' उनले भने ।
स्पेनले अबको अन्तराष्ट्रिय विश्रामको दौरान युरो कप छनोटमा स्विडेन र नर्वेसंग खेल्नेछ ।
स्पेन समुह एफमा रहेको छ । उसले सबै ६ खेल जितेको छ । स्पेनले १७ गोल गरेको छ, मात्र तीन गोल ब्यहोरेको छ ।
स्पेनले दोस्रो स्थानको स्विडेनसंग ७ अंकको अग्रता लिएको छ ।
अन्तराष्ट्रिय विश्राम अगाडी रामोसले रियल मड्रिडलाई ग्रानडाविरुद्वको खेलमा सफलता दिलाउने प्रयत्न गर्नेछन् ।
रियल मड्रिड ला लिगामा १५ अंक सहित शीर्ष स्थानमा छ ।
-1751597995.webp)
