एजेन्सी । एट्लेटिको मड्रिडका कीर्तिमानी खेलाडी जोआओ फिलिक्सले च्याम्पियन्स लिगमा पहिलो गोल गरेका छन् ।
यसै सिजन १ सय १४ मिलियन पाउण्डमा स्पेनिस क्लबमा आएका फिलिक्सले पहिलो गोल गर्दा क्लबले च्याम्पियन्स लिगमा जित निकालेको छ ।
मंगलबार राति भएको समुह डीको खेलमा एट्लेटिकोले लेकोमोटिभ मस्कोलाई २–० गोल अन्तरले हरायो ।

जोआओ फिलिक्सले ४८ औ मिनेटमा गोल गर्दै एट्लेटिको मड्रिडलाई सुरुवाती अग्रता दिलाएका थिए ।
५८ औ मिनेटमा थोमसले गोल गर्दै एट्लेटिकोलाई सहज जित दिलाए ।
च्याम्यिन्स लिगको पहिलो खेलमा युभेन्ट्ससंग बराबरी खेल्दै अंक बाँडेको एट्लेटिकोले दोस्रो खेलमा जित निकाल्न सफल भएको छ ।
एट्लेटिको दुई खेलबाट ४ अंक सहित तालिकाको दोस्रो स्थानमा रह्यो । मस्को क्लब ३ अंक सहित तेस्रो स्थानमा रह्यो ।