एजेन्सी । इन्ग्लिश प्रिमियर लिग फुटबलमा आज (शनिबार) विभिन्न सात खेलहरु संचालन हुँदैछ । लिगमा शनिबार शीर्ष स्थानको लिभरपुल, म्यानचेस्टर सिटी, म्यान्चेस्टर युनाइटेड, चेल्सी जस्ता ठुला क्लबले प्रतिस्पर्धा गर्दैछन् ।
लिग लिडर लिभरपुलले साँझ न्युकासल युनाइटेडसँग घरेलु मैदानमा खेल्दैछ । नेपाली समय अनुसार बेलुका ५:१५ मा सुरु हुने खेलमा लिभरपुल सहज जितको खोजीमा हुनेछ । लिभरपुल सहज जित निकाल्दै अपराजित यात्रा कायम राखन चाहन्छ ।
लिभरपुलले ४ खेलबाट ४ खेलमा जित निकाल्दै १२ अंक जोडेको छ । र, लिभरपुल जितको यात्रालाई कायम शीर्ष स्थान कायम गर्न चाहन्छ । न्युकासल भने दोस्रो जितको खोजीमा हुनेछ । न्युकासलले ४ खेलबाट ४ अंक जोडेको छ ।
यस्तै म्यानचेस्टर सिटीले राति नर्विच सिटीको सामना गर्नेछ । नर्विचको मैदानमा हुने खेल १०:१५ मा सुरु हुनेछ । सिटी घरेलु टोलीलाई हराउँदै लिभरपुलमाथि दबाब कायम राखन चाहन्छ ।
लिभरपुलले ४ खेलबाट १० अंक जोडेको छ र लिगको दोस्रो स्थानमा छ । नर्विच ३ अंक जोडेर पुछारबाट दोस्रोमा रहेको छ ।
त्यस्तै म्यानचेस्टर युनाइटेडले घरेलु मैदानमा लेष्टरको सामना गर्नेछ । युनाइटेड र लेष्टरबीचको खेल राति ७:४५ मा सुरु हुनेछ । युनाइटेड लेष्टरलाई घरेलु मैदानमा हराउने योजनामा हुनेछ । लेष्टर भने युनाइटेडलाई उसैको मैदानमा स्तब्ध बनाउन चाहन्छ ।
लेष्टर ८ खेलमा ८ अंक जोडेर तेस्रो स्थानमा छ । युनाइटेड ४ खेलमा ५ अंक जोडेर आठौं स्थानमा छ ।
लिग अन्तर्गत नै चेल्सीले वुल्भ्ससँग उसैको मैदानमा खेल्नेछ । त्यस्तै टोटेनहमले क्रिष्टल प्यालेससँग खेल्नेछ । अन्य खेलमा ब्राइटनले बर्नलीसँग र सेफिल्ड युनाइटेडले साउथह्याम्पटनसँग खेल्ने छ ।
