एजेन्सी । म्यानचेस्टर सिटीका मुख्य प्रशिक्षक पेप ग्वार्डीओलाले स्ट्राइकर रहिम स्ट्रर्लिङसँग लियोनल मेस्सी र क्रिस्टियानो रोनाल्डोको स्तरमा पुग्ने क्षमता रहेको बताएका छन् ।
प्रिमियर लिग अन्तर्गत नर्विच सिटीसँगको खेलअघि बोल्दै ग्वार्डीओलाले मेस्सी र रोनाल्डोसँग कसैको तुलना नहुने तर स्ट्रर्लिङसँग भने उनीहरुको स्तरमा पुग्ने क्षमता रहेको बताए ।
ग्वार्डीओलाले पछिल्लो समय स्ट्रर्लिङले गरेको प्रदर्शनबाट उक्त कुराको पुस्टि हुने समेत बताए । उनलाई त्यो स्तरमा लैजान आफुले सहयोग गर्ने समेत बताए ।
'यो उसको र हामी सबैको सपना हुनेछ । उनले त्यो लक्ष्य राख्दछ भने 'वाह' । हामी उनलाई सहयोग गर्न यहाँ छौँ । अवश्य पनि उनले गर्न सक्छन् । तर, म उनको लक्ष्य टुटाउने पक्षमा हुदिन,' ग्वार्डीओलाले भने ।
यस सिजन स्ट्रर्लिङले क्लब र राष्ट्रको लागि ८ खेलमा ८ गोल गरेका छन् । लिगको सुरुवाती खेलमा समेत उनले उत्कृष्ट प्रदर्शन गरेका थिए ।
स्ट्रर्लिङले आज (शनिबार) हुने नर्विचसँगको खेलमा समेत उत्कृष्ट खेल्ने अनुमान गरिएको छ।
