एजेन्सी । फरवार्ड लियोनल मेस्सीले ब्राजिली स्टार नेयमार क्लबमा फर्कने बिषयलाई आफुले माया गर्ने बताएका छन् । उनले नेयमारको आगमनले क्लबले राखेको लक्ष्य प्राप्तीका सम्भावना अझ बढ्न सक्ने बताए ।
२७ बर्षका नेयमार सन् २०१७ मा बार्सिलोनाबाट फ्रान्सेली क्लब पेरिस सेन्ट जर्मेन (पीएसजी) गएका थिए । उनी कीर्तिमानी मुल्य २ सय मिलियन पाउण्डमा फ्रान्सेली क्लब पुगेका थिए ।
'उनी फर्कनका लागि निकै ब्यग्र थिए ।' मेस्सीले एक स्पेनिस पत्रिकालाई बताएका छन्, 'मलाई थाहा छैन, क्लबले बास्तवमै कोशिश गर्यो कि नाइ भनेर ।'
सन् २०१३ देखि २०१७ को बीचमा बार्सिलोनका लागि नेयमारले १ सय ८६ खेलमा १ सय ५ गोल गरेका थिए । उनले पीएसजीमा समेत ५८ खेलमा ५१ गोल गरेका छन् ।
ब्राजिली स्टार नेयमार बार्सिलोना फर्कनका लागि निकै कोशिश गरिरहेका थिए । उनी बार्सिलोनासंग समेत जोडिएका थिए । क्लबले समेत एक पछि अर्को प्रस्ताव फ्रान्सेली क्लब सामु राखेको थियो ।
'उनी फर्किए म प्रेम गर्ने थिए ।' ३२ बर्षका बार्सिलोनाका कप्तान मेस्सीले भने, 'म उनी मानिसहरुलाई जान्दछु, जो नेयमार बार्सिलोना फर्कने बिषयको विपक्षमा छन् । तर यो सम्झिन आवश्यक छ कि, नेयमारसंग के भएको थियो । र कसरी उनी यहाँबाट बाहिरिएका थिए ।'
'ब्यक्तिगत रुपमा भन्दा नेयमार विश्वका एक उत्कृष्ट खेलाडी हुन् । उनी टिममा हुनु भनेको हाम्रो उद्वेश्य प्राप्तिको सम्भावना बढ्नु हो ।' मेस्सीले भने ।
नेयमारलाई अनुबन्धन गर्न खेलाडीले क्लबलाई आग्रह गरेको बिषयलाई मेस्सीले अस्विकार गरिदिएका छन् ।
'हामीले आफ्नो राय दिने हो । उनी आउँदा राम्रो हुन्छ कि हुदैन भनेर । तर हामीले कहिल्यै भनेनौ उसलाई हस्ताक्षर गर्नपर्छ भनेर ।' उनले थपे ।
उनले ब्राजिली स्टारलाई अनुबन्धन गर्न नसक्दा आफुहरु निराश नभएको बताएका छन् । उनले क्लबसंग उत्कृष्ट टिम रहेको भन्दै उनीबिना समेत सबै चिज जित्न सक्ने बताए ।
अर्जेन्टिनी फरवार्डले सन् २००१ मा बार्सिलोनासंग जोडिएका थिए । उनको क्लबसंगको सम्झौता सन् २०२१ मा सकिदैछ ।
'यो मेरो घर हो । मैले कहिल्यै यहाँबाट बाहिर जाने योजना बनाएको छैन । हामी प्रतिस्पर्धा गर्दै धेरै चिज जित्न चाहन्छौ ।' उनले थपे ।
