एजेन्सी । स्पेनिस महारथी बार्सिलोना र फ्रान्सेली क्लब पेरिस सेन्ट जर्मेन (पीएसजी) नेयमारलाई स्पेन फर्काउने बिषयमा सहमतीमा पुगेका छन् ।
२७ बर्षिया ब्राजिली स्टारलाई स्पेन फर्काउन बार्सिलोना र पीएसजी सहमत बनेका हुन् । योसंगै पीएसजी स्टार नेयमार अब बार्सिलोना फर्कने सम्झौताको नजिक छन् ।
लामो समयको गृहकार्यलाई अन्तिम रुप दिदै दुवै क्लब नेयमारको बिषयमा सहमतीमा पुगेको स्काई स्पोर्ट्स ईटालियालाई उद्वित गर्दै डेलीमेलले जनाएको छ ।
नेयमार सन् २०१७ मा कीर्तिमानी २ सय मिलियन पाउण्डमा बार्सिलोनाबाट पेरिस पुगेका थिए । दुवै क्लब सहमतीमा पुगेपछि अब नेयमार नाउ क्याम्प फर्कने बिषय निश्चित बनेको छ ।
युरोपेली खेलाडी सरुवा बजार आगामी सोमबार बन्द हुदैछ । पीएसजीले यसअघि १ सय १८ मिलियन पाउण्डसंगै ईभान राकिटिक र टोडिबोसंग नेयमार साट्ने प्रस्तावलाई अस्विकार गरेको खबर थियो ।
बार्सिलोनाले डेम्बेलेलाई समेत समावेश गर्दै पुन अन्तिम प्रस्ताव पीएसजी सामु प्रस्ताव गरेको थियो । बार्सिलोनाको प्रतिद्वन्दी रियल मड्रिड समेत नेयमारलाई किन्ने दौडमा अगाडी देखिएको थियो । रियलले समेत नेयमारका लागि मोटो रकमको प्रस्ताव पीएसजी सामु गरेको थियो ।
नेयमार फर्काउन बार्सिलोनाले डेम्बेलेलाई पेरिस पठाउन सहमत बनेको खबर छ ।
नेयमारले चार सिजन स्पेनमा बिताएका थिए । उनले १ सय ८५ खेलमा १ सय १ गोल गरेका थिए । फ्रान्समा दुई सिजन बिताउँदा नेयमारले चार मुख्य उपाधि जितेका थिए । लगत्तै उनले पेरिस छाड्ने निष्कर्शमा पुगको हुन् ।
अब नेयमारले सम्भवत बार्सिलोनाका नयाँ अनुहार एन्टोनी ग्रिजम्यानसंग सहकार्य गर्नेछन् । उनी यसै सिजन १ सय ८ मिलियन पाउण्डमा एट्लेटिको मड्रिडबाट बार्सिलोना आएका थिए ।
नेयमार पुन लियोनल मेस्सी र लुईस स्वारेजसंग जोडिनेछन् । तीन फरवार्डको जोडीले सन् २०१४ र १५ मा स्पेनिस लिगको उपाधि उचालेका थिए । साथै २०१५ को च्याम्पियन्स लिगको उपाधि समेत जितेका थिए ।
