एजेन्सी । क्रिस्टियानो रोनाल्डोले प्रि–सिजन अन्तर्गतको अन्तिम खेल गुमाउने भएका छन् । भिल्लार पिरोसामा बुधबार हुने प्रि–सिजन अन्तर्गतको अन्तिम खेलमा रोनाल्डो अनुपस्थित रहने युभेन्ट्सले जनाएको छ ।
युभेन्ट्सले अन्तिम तयारी स्वरुप अभ्यास खेल खेल्दैछ । युभेन्ट्सले अगष्ट २४ मा पर्माविरुद्व खेल्दै सिरि एको उपाधि रक्षाको सुरुवात गर्नेछ ।
प्रशिक्षक माउरिजियो सर्रीसंग अब मैत्रीपूर्ण खेल बाँकी छैनन् । तर क्लब टुरिन नजिकै रहेको परम्परागत अभ्यास स्थलमा गएर अन्तिम अभ्यास खेल खेल्न लागेको छ ।
चोटका कारण रोनाल्डोलाई सो अभ्यास खेलमा सहभागी गराईने छैन । रोनाल्डोको चोटलाई निकै सुष्म रुपमा हेरिएको क्लबले जनाएको छ । सर्रीले कोरियामा भएको मैत्रीपूर्ण खेलमा रोनाल्डोलाई खेलाएका थिएनन् ।
युभेन्ट्सले ईन्टरनेश्नल च्याम्पियन्स कपमा मात्र एक खेल जितेको थियो । उसले निर्धारित समयको खेल १–१ गोलको बराबरीमा सकिएपछि ईन्टर मिलानलाई पेनाल्टी सुटआउटमा हराएको थियो । सो खेलमा रोनाल्डोले बराबरी गोल फर्काएका थिए ।
टोटेनहमसंग हार ब्यहोरेको खेलमा समेत रोनाल्डोले खेलेका थिए । एट्लेटिको मड्रिडविरुद्वको खेलमा समेत रोनाल्डोलाई खेलाईएको थियो ।
पोर्चुगलका सुपरस्टार रोनाल्डोले सिरि एको पहिलो सिजनमा २१ लिग गोल गरेका थिए । र ८ गोलको अवसर सिर्जना गरेका थिए । उनकै प्रेरणादायी प्रर्दशनमा युभेन्ट्सले सिरि एको उपाधि जितेको थियो ।
योसंगै रोनाल्डो स्पेन, ईङल्याण्ड र ईटालीबाट लिग उपाधि जित्ने पहिलो खेलाडी बनेका थिए ।
रोनाल्डोले भर्खरैमात्र क्लब फुटबलमा ६ सय गोल पुरा गरेका छन् । उनले च्याम्पियन्स लिगमा १ सय २५ गोल गरेका छन् । उनले पछिल्लो सिजनमात्र एट्लेटिको मड्रिडविरुद्व ह्याट्रिक गरेका थिए ।
सर्री नेतृत्वमा युभेन्ट्स लगातार नवौं पटक सिरि एको उपाधिसंगै च्याम्पियन्स लिगको उपाधि जित्न चाहन्छ । युभेन्ट्सले नयाँ सिजन आयाक्सबाट म्याथिज डी लिग्ट, म्यानचेष्टर सिटीबाट ड्यानिलो र फ्रान्सेली क्लब पीएसजीबाट जियालुईगी बुफोनलाई क्लबमा अनुबन्धन गरेको छ ।
-1751597995.webp)
-1751593454.webp)
