एजेन्सी । फ्रेन्च क्लब पेरिस सेन्ट जर्मेन (पीएसजी) का युवा स्टार केलियन एमबाप्पेले फरवार्ड नेयमार क्लबमै बसोस् भन्ने आफ्नो चाहना रहेको बताएका छन् ।
पछिल्लो समय नेयमार स्पेनिस क्लब बार्सिलोना फर्कने हल्ला चलिरहेको बेला सहकर्मी एमबाप्पेले भने नेयमार क्लबमै बसोस् भन्ने चाहना व्यक्त गरेका हुन् ।
'नेयमारले क्लब छाडेको म चाहन्न । उनलाई म यहाँ सम्मान र आदर गर्छु । हामी राम्रो साथी पनि हौं,' एमबाप्पेले भने, 'यहाँको स्थितिबारे हामी सबैलाई थाहा छ ।'
२७ वर्षे ब्राजिलियन स्टार नेयमार सन् २०१७ मा बार्सिलोनाबाट कीर्तिमानी मूल्य २ सय २२ मिलियनमा पीएसजी आएका थिए । तर, पीएसजीमा नेयमार खुशी नरहेको बताईएको छ ।
यस्तै एमबाप्पेले आफु रियल मड्रिड जाने हल्ला निराधार रहेको र आफ्नो क्लब छाड्ने मनस्थिति कहिले नभएको बताए ।
