एजेन्सी । युईएफए सुपर कप फुटबलको फाइनल खेल पहिलो पटक महिला रेफ्रीले खेलाउने भएको छ ।
युरोपियन फुटबलको सर्वोच्च निकाय युईएफएले शुक्रबार दुई इन्ग्लिश क्लब लिभरपुल र चेल्सीबीचको फाइनल खेल महिला रेफ्रीलाई दिने निर्णय गरेको छ । युईएफएले उक्त फाइनल खेल खेलाउने जिम्मा फ्रान्सका महिला रेफ्री स्टेफानी फ्रापर्टलाई दिएको छ ।
च्याम्पियन्स लिग र युरोपा लिग विजेता टोलीले खेल्ने सुपर कपको फाइनल भिडन्त अगष्ट १४ मा इस्तानबुलमा हुनेछ । लिभरपुल च्याम्पियन्स लिग र चेल्सी युरोपा लिग विजेताको रुपमा प्रतिस्पर्धा गर्ने छन् ।
युईएफएको निर्णयसँगै ३५ बर्षे रेफ्री स्टेफानी युईएफएको ठुलो प्रतियोगिताको फाइनल खेलाउने पहिलो महिला रेफ्री बनेकी छिन् ।
फिफा रेफ्री स्टेफानीले फ्रान्समा सम्पन्न महिला विश्वकप अन्तर्गत अमेरिका र नेदरल्याण्डबीचको फाइनल खेल खेलाएकी थिईन् ।
-1751597995.webp)
-1751593454.webp)
