एजेन्सी । म्यानेचष्टर युनाईटेडले ईटालियन क्लबका फरवार्ड पाउलो डिबालालाई अनुबन्धनको प्रयास अघि बढाएको छ ।
उसले डिबालाको बिषयमा युभेन्ट्ससंग प्रारम्भिक चरणमा छलफल अघि बढाएको हो । तर छलफलले निर्णायक रुप लिने कुनै सुनिश्चितता भने छैन ।
युभेन्ट्सले डिबालालाई छाड्दै त्यसको स्थानमा युनाईटेडबाट फरवार्ड रोमेलु लुकाकु लिन सक्ने बिकल्पमा समेत छलफल हुन सक्ने बताईएको छ ।
२५ बर्षका फरवार्ड डिबालाले पछिल्लो सिजन १० गोल गरेका थिए ।
लुकाकुलाई अनुबन्धन गर्न ईन्टर मिलानले समेत ईच्छा देखाएको छ । तर ईटालियन क्लब लुकाकुको बिषयमा अनुबन्धन रकमको नजिक पुग्न सकेको छैन ।
युनाईटेडका प्रशिक्षक ओले गुनर सोल्सायरले नयाँ सिजन सुरु हुनु अघि केही खेलाडी क्लबमा थप गरिने बताएका थिए । तर उनले डिबालाको बिषयमा बोल्न अस्विकार गरेका थिए ।
नर्वेजियन पुर्व फरवार्डले भनेका थिए, ‘म यहाँ कुनै खेलाडीको हल्लाको बिषयमा कुराकानी गर्न चाहदैन ।’
‘हामी एक दुईवटा बिषयमा कुराकानी गरिरहेका छौ । केही दिन बाँकी छ । हामी केही नयाँ अनुहारलाई सार्वजनीक गर्ने आश गरौ ।’ उनले भने ।
डिबालाकै गोलमा युभेन्ट्सले च्याम्पियन्स लिगमा समुह चरणको खेलमा युनाईटेडलाई हराएको थियो । क्रिस्टियानो रोनाल्डो टुरिन आएपछि डिबालाको प्रभाव घट्दो छ ।
डिबालाले यसपटक युभेन्ट्ससंग एसिया टुरमा भने सहभागी भएनन् । उनी अर्जेन्टिनी टिमबाट कोपा अमेरिकामा सहभागी रहेका थिए ।
