एजेन्सी । अजाक्सका कप्तान म्याथिज डी लिग्ट सिरि ए क्लब युभेन्ट्समा अनुबन्धन भएका छन् । डच क्लबका युवा स्टार लिग्ट करिब ६७ मिलियन पाउण्डमा ईटालियन क्लबसंग जोडिएका हुन् ।
१९ बर्षका खेलाडीलाई अनुबन्धन गर्न युरोपेली क्लबहरु म्यानचेष्टर युनाईटेड, बार्सिलोना र पेरिस सेन्ट जर्मेन पीएसजीले चासो देखाएका थिए । उनको टिम अजाक्सले पछिल्लो सिजन च्याम्पियन्स लिगको सेमिफाईनल खेलेको थियो ।
नीजि विमानमा टूरिन उत्रिए लगत्तै उनले भने, ‘म यहाँ आउन पाउदाँ निकै खुसी छु ।’
सन् २०१६ मा लिगमा डेब्यु गरेका उनले लिगसंगै डच कप समेत जितेका थिए । उनले सन् २०१७ मा युरोपा लिगको फाईनल खेलेका थिए ।
उनले क्लबका लागि ७७ खेलमा ८ गोल गरेका छन् । उनी ९ बर्षको उमेरमा क्लबसंग आबद्व भएका थिए । उनी गत बर्ष क्लब ईतिहासकै सबै भन्दा कान्छो कप्तान बनेका थिए ।
अजाक्सलाई च्याम्पियन्स लिगको सेमिफाईनलको बाटो तय गराउन लिग्टले विजयी गोल गरेका थिए । सो खेलमा टोटेनहम पराजित भएको थियो । उनले नेदरल्याण्डबाट सन् २०१७ को मार्चमा डेब्यु गरेका थिए ।
उनले यसै सिजन नेसन्स लिगको फाईनल खेलेका थिए । सो समय पोर्चुगलका स्टार क्रिस्टियानो रोनाल्डोले उनलाई युभेन्ट्स आउन आग्रह गरेका थिए ।
