बुधबार भएको खेलमा साईपल एकेडमीलाई ७२-६० ले पराजित गर्दै आईएसओले दोस्रो जित निकालेको हो ।
आईएसओको जितमा विदेशी खेलाडी अल्लाना मे लिमले उत्कृष्ट प्रदर्शन गरिन् । प्लेयर अफ दि म्याच बनेकी उनले २८ स्कोर गरिन् ।
जितसंगै आईएसओले ४ खेलबाट ६ अंक जोडेको छ । साईपलको यो लगातार चौंथो हार हो ।
आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।
प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।
