समृद्धि गोरिल्लाजको विजयी सुरुवात

काठमाडौं । समृद्धि गोरिल्लाजले महिलाको सर्वाधिक ठुलो बास्केटबल प्रतियोगिता 'उमेंस नेपाल बास्केटबल लिग' मा विजयी सुरुवात गरेका छन् । 

 

शनिबार भएको उद्घाटन खेलमा विभागीय टोली नेपाल पुलिस क्लबलाई पराजित गर्दै समृद्धि गोरिल्लाजले सुखद सुरुवात गरेको हो ।  समृद्धि गोरिल्लाजले पुलिसमाथि ४९-४६ को जित निकाल्यो ।

 

 समृद्धि गोरिल्लाजको जितमा सदिना श्रेष्ठले उत्कृष्ट प्रदर्शन गरिन् ।  प्लेयर अफ दि म्याच बनेकी सदिनाले १८ स्कोर गरिन् ।

 

 

आयोजक प्ले फर डिप्राइभ्ड चिल्ड्रेन नेपाल (पिडिसिएन) को आयोजनामा जारी लिगमा ४ टोलीले प्रतिस्पर्धा गरिरहेका छन् ।

 

प्रतियोगिताको विजेताले २ लाख पुरस्कार पाउने छन् । यस्तै दोस्रोले १ लाख र मोस्ट भ्यालुएबल खेलाडी र सर्वाधिक स्कोर गर्ने खेलाडीले पनि नगद पुरस्कार पाउने आयोजकले जनाएको छ ।