नाडाल र हालेप विम्बल्डन टेनिसको दोस्रो चरणमा प्रवेश

एजेन्सी । विश्व नम्बर दुई स्पेनिस राफायल नाडालले विम्बल्डन टेनिसमा विजयी सुरुवात गरेका छन् ।  मंगलबार राति भएको पुरुषको पहिलो चरणमा इजरायलका डुदी सेलालाई पराजित गर्दै नाडालले विजयी सुरुवात गरेका हुन् । 

लण्डनमा भएको खेलमा नाडालले सेलामाथि ६-३,६-३ र ६-२ को जित निकाले । दुई पटकको विम्बल्डन च्याम्पियन नाडालले अब दोस्रो चरणमा मिखाइल कुकुस्किनसंग खेल्ने छन् । 

प्रतियोगिता अन्तर्गत नै सर्बियाका नोभाक जोकोभिकले पनि दोस्रो चरणमा स्थान पक्का गरेका छन् । यस्तै डेल पोर्टो, केइ निसिकोरी, केली एडमण्ड र निक क्रिगिओसले पनि दोस्रो चरणमा स्थान पक्का गरेका छन् । 

महिलातर्फ विश्व नम्बर एक रोमानियाकी सिमोना हालेपले दोस्रो चरणमा स्थान पक्का गरिन् । सिमोनाले जापानकी कुरुमी नारालाई ६-२ र ६-४ ले हराईन । यस्तै ग्राबियन मुगुरुजा, एन्जोलिक केर्बर र जोहन्ना कोन्टाले दोस्रो चरणको यात्रा तय गरेकी छिन् । पुर्व नम्बर एक रुसी सुन्दरी मारिया सारापोभा भने पहिलो चरणबाट बाहिरिएकी छिन्