नेपाल बास्केटबल लिगलाई नबिलको साथ

काठमाडौं । राजधानीमा जारि क्विक्स नेपाल बास्केटबल लिगलाई नबिल बैंकले प्रायोजन गरेको छ ।

लिगका लागि नबिलले बैंकिङ साझेदारको रुपमा प्रायोजन गरेको हो । 

आयोजक प्ले फर डिप्राइभ्ड चिल्ड्रेन नेपाल (पिडिसिएन) ले सोमबार बैंकसंग प्रायोजन सम्झौतामा हस्ताक्षर गरेको छ । 

बैंकका प्रमुख कार्यकारी अधिकृत अनिल केशरी शाह र पिडिसिएनका अध्यक्ष अरुण कार्कीले सम्झौता पत्रमा हस्ताक्षर गरे ।

सम्झौतापछि बोल्दै नबिल बैंकका प्रमुख कार्यकारी अधिकृत अनिल केशरी शाहले नेपाल बास्केटबल लिगको बैंकिङ साझेदार बन्न पाउदा ज्यादै खुशी लागेको र प्रतियोगिताले बास्केटबल खेललाई देशैभर राम्रो गती प्रदान गर्नेमा बिश्वस्त रहेको बताए ।