आठौं राष्ट्रिय खेलकुद : स्वर्ण मै आर्मीको 'शतक'

प्रतियोगिताको १४ औं दिन सकिदा २६६ स्वर्णसहित कुल ९२७ पदकको टुंगो लागेको छ । हालसम्म ३१ खेलको प्रतिस्पर्धा  सकिएको छ ।

आठौंमा मंगलबारसम्म टेबलटेनिस, ट्रायथलन, कुस्ती, फेन्सिङ, साइक्लिङ, स्क्वास, जुडो, कबड्डी, फुल कन्ट्याक्ट कराते, बास्केटबल, गल्फ, बुद्धिचाल, लन टेनिस, हक्की, शारीरिक सुगठन, ब्याडमिन्टन, आर्चरी, जिम्न्याष्टिक, सेपाकताक्रो, एथलेटिक्स, प्याराग्लाइडिङ, भारोत्तोलन, उसु, सुटिङ, कराते, तेक्वान्दो, खो खो, ह्यान्डबल, सफ्ट टेनिस, आईटीएफ तेक्वान्दो र बक्सिङ खेल सकिएको छ ।

अब चार खेलहरु भलिबल, क्रिकेट, फुटबल र पौडीको प्रतिस्पर्धा बाँकी रहेको छ । चारै खेल बुधबार सकिने छ ।

हालसम्म पदका तालिका विभागीय टोलीले आफ्नो वर्चश्व कायम गरेका छन् ।

आठौं सकिन एक दिन बाँकी रहदा पदक तालिकामा विभागीय टिम त्रिभुवन आर्मी क्लबले एकछत्र राज गरिरहेको छ । आर्मीले स्वर्ण पदक मै शतक पुरा गरिसकेको छ ।

सर्वाधिक पदक जितेको आर्मीले १०७ स्वर्ण, ६३ रजत र ५६ कांस्य पदकसहित कुल २२६ पदक जितेको छ ।

सशत्र प्रहरीको एपीएफ क्लबले ४८ स्वर्ण, ५७ रजत र ६१  कांस्यसहित कुल १६६ पदक जितेर दोस्रो स्थान ओगटेको छ ।

तेस्रो स्थानको नेपाल पुलिस क्लबले ४५ स्वर्ण, ४१ रजत र ४० कांस्यसहित कुल १२६ पदक जितेको छ । 

प्रदेश ३ ले १९ स्वर्ण, ३५ रजत र ५२ कांस्य पदक गरी १०६  पदक हात पारेको छ ।

प्रदेश ५ ले ९ स्वर्ण, २० रजत र १४ कांस्यसहित ७३ पदक जित्दा गण्डकीले ९ स्वर्ण,१३ रजत र ३४ कांस्यसहित ५६ पदक जितेको छ 

यस्तै सुदुरपश्चिम प्रदेशले ८ स्वर्ण, ८ रजत र २९ कांस्यसहित ४५ पदक जितेको छ ।

त्यस्तै प्रदेश १ ले ७ स्वर्ण, १६ रजत र ५० कांस्य सहित ७३ पदक जित्दा प्रदेश २ ले ६ स्वर्ण,७ रजत र १६ कांस्यसहित २९ पदक जितेको छ ।

एनआरएनएले ५  स्वर्ण र ५ कांस्यसहित १० पदक जितेको छ भने कर्णाली प्रदेशले ३  स्वर्ण, ४ रजत र १० कांस्यसहित १७  पदक जितेको छ ।