अत्तरियामा गोदावरी म्याराथन हुने

धनगढी । कैलालीको अत्तरियामा पहिलो पटक एभरेष्ट एकेडेमी गोदावरी म्याराथन दौड आयोजना हुने भएको छ ।

अत्तरिया जेसिज र लायन्स क्लब अफ अत्तरिया सिटीको संयुक्त आयोजनामा पहिलो पटक अत्तरियामा म्याराथन हुने भएको हो ।

स्वास्थ्यका लागि खेलकुद, राष्ट्रका लागि खेलकुद भन्ने मुल नाराका साथ चैत्र २९ गते म्याराथन हुने संयोजक रवि खनालले जानकारी दिए ।

१८ बर्षदेखि ४० बर्षसम्मका खेलाडीले सहभागिता जनाउन पाउने म्याराथनमा पहिलो हुनेले २० हजार, दोस्रोले १० हजार र तेस्रोले ५ हजार नगद पाउने छन् ।

म्याराथन अत्तरियादेखि गोदावरीसम्म ७ किलोमिटरको हुनेछ ।