एजेन्सी । स्विस खेलाडी रोजर फेडेरर र स्पेनिस राफायल नाडाल इण्डियन वेल्स मास्टर्स टेनिसको क्वाटरफाइनलमा प्रवेश गरेका छन् ।
अमेरिकाको क्यालिफोर्नियामा बिहिबार भएको चौंथो चरणको खेलमा फेडेररले बेलायतका केली एडमण्डलाई हराएर अन्तिम आठको यात्रा तय गरेको हो ।
चौथो वरियताका फेडेररले एडमण्डलाई ६-१ र ६-४ ले पाखा लगाए । २० पटकको ग्राण्डस्लाम बिजेता फेडेररले अब हुबर्ट हुर्काजसंग खेल्नेछन् ।
यस्तै दोस्रो वरियताका नाडालले सर्बियाका फिलिप क्राजिनोभिकलाई हराएर क्वाटरफाइनलको यात्रा तय गरे । नाडालले क्राजिनोभिकलाई ६-३ र ६-४ को सेटमा पाखा लगाए ।
३ पटकको च्याम्पियन नाडालले क्वाटरफाइनलमा रुसका कारिन काचानोभसंग खेल्ने छन् ।
महिलातर्फ पुर्व विश्व नम्बर एक गार्बिन मुगुराजा क्वाटरफाइनलबाट बाहिरिएकी छिन् । अन्तिम आठको खेलमा क्यानडाका बियाका एण्डर्सकुसंग ६-० र ६-१ ले पराजित भए ।
-1750132667.webp)
