आर्सनल र रियल च्याम्पियन्स लिगको क्वार्टरफाइनलमा

काठमाडौं। आर्सनल र रियल मड्रिडले बुधबार आफ्ना घरेलु खेल सहज रूपमा जित्दै महिला च्याम्पियन्स लिगको क्वार्टरफाइनलमा स्थान बनाएका छन्।

आर्सनलले बेल्जियमको ओएच लुभेनलाई ३–१ ले पराजित गर्दै समग्रमा ७–१ को जित निकालेको हो। अब आर्सनलले क्वार्टरफाइनलमा इङ्ल्यान्डकै प्रतिद्वन्द्वी चेल्सीसँग प्रतिस्पर्धा गर्नेछ।

यसअघि रियलले पेरिस फुटबल क्लब‍लाई २–० ले हराउँदै समग्रमा ५–२ को जितसहित अर्को चरणमा प्रवेश गर्‍यो। अब रियलले तीन पटकको च्याम्पियन बार्सिलोनासँग ‘एल क्लासिको’ खेल्नेछ।

रियल‍का लागि नाओमी फेलरले पहिलो गोल गरिन् भने मेलवीन एनडोङ्गालाले आत्मघाती गोल गरिन्। आर्सनलकी स्ट्राइकर अलेसिया रूसोले दुई गोल गर्दै प्रतियोगितामा आफ्नो गोल संख्या सात पुर्‍याइन् र शीर्ष गोलकर्ता बनिन्।

उनले २३औं मिनेटमा घुमेर प्रहार गर्दै टोलीलाई अग्रता दिलाइन्। ९०औं मिनेटमा पनि उनले कुनामा लो सट प्रहार गर्दै दोस्रो गोल गरिन्। हंगेरीकी मिडफिल्डर सारा पुस्तैले २९औं मिनेटमा नजिकैबाट गोल गर्दै खेल बराबरीमा ल्याएकी थिइन्।

वर्षाले भिजेको मिडो पार्क मैदानमा खेलिएको उक्त खेलमा मारियोना काल्डेन्टेले दोस्रो हाफको मध्यतिर पेनाल्टीमार्फत आर्सनललाई पुनः अग्रता दिलाइन्।

उत्तर लन्डनको आर्सनलले सन् २००७ मा उक्त प्रतियोगिता (त्यतिबेला सुपर कप नाम थियो) जितेको थियो र अहिलेसम्म उपाधि जित्ने एक मात्र इङ्लिस टोली बनेको छ। पश्चिम लन्डनको चेल्सी सन् २०२१ मा फाइनल पुगे पनि बार्सिलोनासँग ४–० ले पराजित भएको थियो।

यसै महिनाको सुरुआतमा आर्सनलले पहिलो पटक आयोजना गरिएको महिला च्याम्पियन्स कप पनि जितेको थियो। मड्रिड‍मा भएको खेलमा पेरिसका लागि सुरुआतमै झट्का लागेको थियो। पाँचौं मिनेटमा डिफेन्डर थेआ ग्रेबोवालले फेलरलाई गोलतर्फ अघि बढ्दा तानेपछि रातो कार्ड पाउँदै मैदान छाड्नुपरेको थियो।

१९औं मिनेटमा ओसियान पिकार्डको २० मिटर टाढाबाट गरेको लो सट गोलकिपर मीसा रोड्रिगेजले उत्कृष्ट बचाउ गरिन्। ३६औं मिनेटमा आक्रमणकारी मिडफिल्डर क्यारोलिन वेयरले पेनाल्टी अवसर सदुपयोग गर्न सकिनन्। पिकार्डको ह्यान्डबलपछि प्राप्त पेनाल्टीलाई पूर्वक्लबविरुद्ध खेलिरहेकी गोलकिपर माइलिन चाभासले दुवै हातले रोकिन्।

५४औं मिनेटमा दायाँ रक्षक एभा नाभारोको उत्कृष्ट क्रसमा फेलरले भली प्रहार गर्दै ‍लाई अग्रता दिलाइन्। दोस्रो हाफको मध्यतिर नाभारोकै अर्को क्रसमा एनडोङ्गालाबाट आत्मघाती गोल भएपछि ‍को जित सुनिश्चित भयो।

नयाँ ढाँचाअनुसार महिला च्याम्पियन्स लिग पुरुष प्रतियोगिताजस्तै बनाइएको छ। अब सुरुआती लिग चरणमा आठको सट्टा छ खेल खेलाइन्छ।

१८ टोली सहभागी लिग चरणबाट शीर्ष चार टोली बार्सिलोना, ओलम्पिक लियोन, चेल्सी ‍ र बायर्न म्युनिख‍ सिधै क्वार्टरफाइनलमा पुगेका थिए भने पाँचौंदेखि १२औं स्थानसम्मका टोली प्लेअफमार्फत प्रतिस्पर्धा गरेका थिए।