लगातार जित निकाल्दै पर्वत टाइगर कपको फाइनलनजिक

हिमालयन मनोज, पोखरा। लगातार तेस्रो जित निकाल्दै पर्वत जिल्ला भलिबल संघले टाइगर कप भलिबल प्रतियोगिताको फाइनल खेल्ने सम्भावना बलियो बनाएको छ।

पोखरा रंगशालास्थित भलिबल कोर्टमा मंगलबार सम्पन्न खेलमा पर्वतले माल्दिभ्स भलिबल एसोसिएसनलाई ३–० को सोझो सेटमा पराजित गरेको हो।

पर्वतले पहिलो सेट २५–१७ ले जितेको थियो। तर, दोस्रो सेट २५–१८ र तेस्रो सेट २५–१६ ले सहजै आफ्नो पक्षमा पार्‍यो।

यसअघि पर्वतले विभागीय टोलीद्वय नेपाल पुलिस र एपीएफ क्लबलाई पराजित गरेको थियो। माल्दिभ्सको भने लगातार चौथो हार हो।