विराटनगरलाई लुम्बिनीसँग बदला लिने मौका

काठमाडौं। नेपाल प्रिमियर लिग (एनपीएल)अन्तर्गत क्वालिफायर २ मा लुम्बिनी लायन्स र विराटनगर किङ्स भिड्दैछन्।

खेल कीर्तिपुरस्थित त्रिभुवन अन्तर्राष्ट्रिय क्रिकेट रंगशालामा अपराह्न ४:०० बजे हुनेछ। आजको खेल जित्ने फाइनलमा प्रवेश गर्दै सुदूरपश्चिम रोयल्ससँग खेल्नेछ। हार्ने टोली भने घर फर्किनेछ।

त्यसैले दुवै टोलीका लागि यो खेल महत्त्वपूर्ण छ। क्वालिफायरमा १ मा साबिक उपविजेता सुदूरपश्चिम रोयल्ससँग विराटनगर ७७ रनले पराजित भएको हो। त्यसैले फाइनल पुग्न टोलीले क्वालिफायर २ खेल्ने मौका पाएको हो।

लुम्बिनीले भने बुधबार इलिमिनेटरमा काठमान्डु गोर्खाजलाई ४ विकेटले हराउँदै विराटनगरसँगको भेट पक्का गरेको हो। लिग चरणमा लुम्बिनीले विराटनगरलाई ५ विकेटले हराएको थियो।