खेलाडीले खेल्न कोर्ट बुकिङ गरेर पैसा बुझाउनुपर्ने !

काठमाडौं। नेपाल टेनिस संघले अबदेखि खेल्नुअघि अनिवार्य रूपमा खेलाडीले कोर्ट बुकिङ गरेर शुल्क बुझाउनुपर्ने व्यवस्था लागू गरेको छ। संघले शनिबारदेखि लागू हुने गरी नयाँ नियम सार्वजनिक गरेको हो।

संघका अनुसार खेलाडीहरूले अब हरेक पटक खेल खेल्नुअघि कम्तीमा एक दिनअघि अग्रिम रूपमा शुल्क तिरेर दुई घण्टासम्मका लागि कोर्ट बुक गर्न सक्नेछन्। कोर्ट खाली भएमा सोही समयमा पनि बुक गरेर खेल्न सकिने व्यवस्था गरिएको छ।

घरेलु खेलाडीका लागि सिंगल (३ जना) प्रति घण्टा ४०० र डबल्स (३ वा ४ जना) का लागि ६०० रुपैयाँ तिर्नुपर्नेछ। विदेशी खेलाडीका हकमा भने सिंगलका लागि र६०० र डबल्सका लागि १००० तोकिएको छ।

संघले बिहान ६ बजेदेखि बेलुका ७ बजेसम्मको समयमा खेल खेल्न सकिने व्यवस्था मिलाएको जनाएको छ। साथै जूनियर खेलाडीका लागि विशेष समय र कोर्ट नम्बर निर्धारण गरिएको बताइएको छ।