काठमाडौं। नेपाली क्लब एजी१० एकेडेमीले अन्तर्राष्ट्रिय स्तरको प्रतिष्ठित डाना कप फुटबल प्रतियोगिता २०२५ मा नकआउट चरणमा स्थान सुरक्षित गरेको छ।
प्रतियोगिताको सुरुआत भने चुनौतीपूर्ण रह्यो। मेक्सिकोको सेलेक्सन एलिटसँग पहिलो खेलमा ३–० को हार बेहोरेको एजी१०ले दोस्रो खेलमा पुनरागमन गरेको हो। नर्वेको विदार एफकेविरुद्धको खेलमा एजी१०ले १२–१ को एकतर्फी जित निकालेको थियो।
समूह चरणको अन्तिम खेलमा युएईको आइएफए स्पोर्टविरुद्ध पनि एजी१०ले ६–२ को सहज जित दर्ता गर्यो। दुई जित र एक हारसहित एजी१० समूहबाट अगाडि बढ्न सफल भयो।
