धरान। चौथो मेजर श्रवणकुमार मेमोरियल डिपो बास्केटबल रनिङ कप हुने भएको छ।
डिपो स्कुलको आयोजना तथा सुनसरी बास्केटबल र धरान बास्केटबल संघको विशेष सहयोगमा प्रतियोगीता साउन १५ गते देखि १९ गतेसम्म हुने लागेको हो।
प्रतियोगितामा झापा, सुनसरी र मोरङका गरि १६ वटा विद्यालयले सहभागिता जनाउने आयोजक डिपो आर्दश बहुमुखी क्याम्पस प्रमुख राजकुमार राईले जानकारी गराए। प्रतियोगितामा कक्षा १० सम्मका खेलाडीहरूले मात्र सहभागिता जनाउन पाउनेछ।
प्रतियोगिताका विजेता टिमले २० हजार र उपविजेताले १० हजार रुपैयाँ प्राप्त गर्नेछ। प्रतियोगिताका मोस्ट भ्यालुएबल प्लेयर र हाइ स्कोर उपाधि विजेताले ट्रफी र मेडल प्राप्त गर्नेछ।
प्रतियोगिताको सम्पूर्ण खेल धरान १८ स्थित डिपो स्कुलको बास्केटबल कोर्टमा सम्पन्न हुनेछ। खेल तालिका साउन १३ गते तयार गरिने आयोजकले जानकारी गराएको छ।
