सुनसरी र इलाम फाइनलमा भिड्ने

सुनसरी। कोशी प्रदेशस्तरीय ओपन बास्केटबल प्रतियोगिताको फाइनलमा आयोजक जिल्ला सुनसरी र इलाम फाइनलमा भिड्ने पक्का भएको छ ।  

शनिवार भएको पहिलो सेमिफाइनल खेलमा सुनसरीले धनकुटालाई सहज रूपमा पराजित गर्दै फाइनलमा स्थान सुरक्षित गरेका हुन्। सुनसरीले धनकुटालाई ६९–२५ को फराकिलो अन्तरले पराजित गर्दै फाइनलमा प्रवेश गरेका हुन्। खेलमा सुनसरीले धनकुटाविरुद्ध प्रत्येक क्वाटरमा १६–४, १३–५, १६–५ र २४–१० अंक जोडेका थिए ।

खेलमा उत्कृष्ट प्रदर्शन गरेका सुनसरीका सुसन श्रेष्ठ म्यान अफ द म्याच घोषित भए । सोही दिन भएको दोस्रो सेमिफाइनल खेलमा इलामले भोजपुरलाई ६०–४९ अंकको अन्तरले परजित गर्दै फाइनल प्रवेश गरेको छ । 

इलाम र भोजपुरले खेलको प्रत्येक क्वाटरमा १२–८, १७–९, १५–१२ र १६–२० अंक जोडेका थिए । उत्कृष्ट प्रदर्शन गरेका इलाम बास्केटबल टिमका मनीष तामाङ घोषित भए ।