माउन्ट जियोन्टलाई अन्तर्राष्ट्रिय स्कुल चेस च्याम्पियनसिपको उपाधि

ललितपुर। स्कुल चेस च्याम्पियनसिपको उपाधि भारत सिक्किमको माउन्ट जियोन्ट किड्जी स्कुलले जितेको छ। 

छात्र र छात्रा गरी यु–११, यु–१३ र यु–१५ उमेर समूहका विद्यार्थीबिच भएको ६ वटा इभेन्ट्समा दुई स्वर्ण , एक रजत र एक कास्य पदकसहित कुल ११ अंक बटुलेर माउन्ट जियोन्ट च्याम्पियन बनेको हो। 

नेपाल बुद्धिचाल संघको प्राविधिक सहयोगमा स्विस लिग प्रणालीका आधारमा (७ राउन्डमा) सञ्चालन गरिएको प्रतियोगितामा स्वर्णलाई ४ अंक , रजतलाई २ अंक र कांस्यलाई १ अंक प्रदान गरिएको हो।  आयोजक पुष्प सदन ३ रजत र १ कांस्य पदक जित्दै ७ अंकसहित दोस्रो भयो। 

यसै गरी तेस्रो स्थान हासिल गरेको मार्बेलस स्कुलले १ स्वर्ण र २ कांस्यसहित ६ अंक जोडेको छ।