खेल सुरु हुनुअघि नै भरिन थाल्यो त्रिविको प्यारापिट

 काठमाडौं। नेपाल प्रिमियर लिग (एनपिएल) को उद्घाटन खेल सुरु हुनुभन्दा अगाडि नै प्यारापिट भरिन थालेको छ।

कीर्तिपुरस्थित त्रिवि क्रिकेट मैदानमा केहीबेरपछि उद्घाटन खेलमा जनकपुर बोल्ड्स र विराटनगर किङ्स भिड्दै छ। तर, उक्त खेल सुरु हुनुभन्दा दुई घण्टादेखि नै प्यारापिटमा दर्शकहरू प्रवेश गरिसकेका थिए।

अहिले भिआइपि प्यारापिट, सिद्धार्थ जोन, जोन दुई र तीन भरिने क्रममा रहेको छ। नेपाल क्रिकेट संघ (क्यान) ले बुधबार बेलुका नै अग्रिम टिकट बुकिङ खोलेको थियो। त्यसको २४ घण्टामै टिकट सोल्ड आउट भइसकेको थियो।