हुडर्सफिल्डमा आए नयाँ प्रशिक्षक

एजेन्सी । प्रिमियर लिग क्लब हुडर्सफिल्डले जान सर्भेटलाई मुख्य प्रशिक्षकमा नियुक्त गरेको छ । जर्मन क्लब बोरुसिया डर्टमण्डका दोस्रो टिमका प्रशिक्षकलाई क्लबले डेबिड वाग्नरको स्थान दिन तयार भएको हो ।

क्लब समाल्न आएका सर्भेटको मुख्य जिम्मेवारी भनेको रेलिगेशन जोनमा रहेको क्लबलाई माथि उठाउनुनै हुनेछ ।

सम्झौता अनुसार उनी सन् २०२१ सम्म क्लबको नेतृत्व गर्नेछन् । पुर्व प्रशिक्षक वाग्नरले क्लबसंगको सहमतीमा जनवरी १४ मा क्लब छाडेका थिए ।

हुडर्सफिल्ड प्रिमियर लिग फुटबलमा ११ अंक सहित पुछारमा छ । लिगमा अझै १५ खेल बाँकी छ । नयाँ प्रशिक्षकले जनवरी २९ मा एभर्टनसंग खेल्दै लिगको सुरुवात गर्नेछन् ।