सिमरा गोल्डकप : पुलिसलाई हिमालयन शेर्पाको चुनौती

बारा । दशौ संस्करणको सिमरा गोल्डकप फुटबलको क्वाटरफाइनलमा आज (सोमबार) दुई 'ए' डिभिजनका नेपाल पुलिस क्लब र हिमालयन शेर्पा क्लबबीच प्रतिस्पर्धा हुँदैछ ।

vसिमरा रंगशालामा दुई टोलीबीचको खेल खेल निकै प्रतिस्पर्धात्मक हुने अनुमान गरिएको छ । दुवै टोली बाई पाएर क्वाटरफाइनलमा पुगेको हो  । विजेताले फाइनल प्रवेशको लागी माघ १० गते संकटा क्लब र थ्री स्टार क्लबको विजेतासंग प्रतिस्प्रधा गर्नेछ । 

धनगढीमा सम्पन्न खप्तड गोल्डकपमा पुलिसले थ्री स्टार क्लबलाई १–० ले पराजित गरेको थियो । जसको कारण पुलिस खेलमा निकै आत्मविश्वासी हुनेछ । यता, विशाल मेमोरियलमा हिमालयन शेर्पा त्रिभुवन आर्मीसंग सडन डेथमा ६–५ गोल अन्तरले पराजित भएको थियो । 

काठमाडौंमा सम्पन्न सहिद स्मारक 'ए' डिभिजन लिगको भेटमा विभागीय नेपाल पुलिस र हिमालयन शेर्पा क्लबले १–१ को बराबरी खेलेको थिए । लिगमा पुलिस पाँचौ स्थानमा रहेको थियो भने हिमालयन शेर्पा सातौ स्थानमा रहेको थियो ।

नव जनजागृति क्लबको आयोजनामा जारी प्रतियोगिताको विजेताले ६ लाख तथा उपविजेताले ३ लाख नगद प्राप्त गर्नेछ ।