लोटस, सियोन, डिपिएस र प्रभात स्कुल सेमिफाइनलमा

धरान। तेस्रो इन्टर स्कुल मेजर श्रवणकुमार मेमोरियल डिपो बास्केटबल रनिङ्ग कपमा लोटस विद्या मन्दिर, सियोन स्कुल, दिल्ली पब्लिक र प्रभात बाेडिङ स्कुल सेमिफाइनल प्रवेश गरेको छ ।

क्वाटर फाइनलको पहिलो खेलमा लोटस विद्या मन्दिरले सुनाखरी स्कुललाई २५–१४, दोस्रो खेलमा सियोन स्कुलले विष्णु मेमोरियललाई ४१–१६, तेस्रो खेलमा दिल्ली पब्लिक स्कुलले समिट स्कुललाई ४४–२७ र चौथो खेलमा प्रभात स्कुलले हिमशिखर स्कुल तरहरालाई २६–२१ अंकको अन्तरले पराजित गर्दै सेमिफाइनल प्रवेश गरेका हुन् ।

 पहिलो खेलमा लोटस र सुनाखरी स्कुलले प्रत्येक क्वाटरमा ३–०, ४–०, ९–६ र ९–८ अंक जोडे । दोस्रो खेलमा सियोन र विष्णु स्कुलले प्रत्येक क्वाटरमा १०–६, १०–४, १२–० र ९–६ अंक जोडेका थिए ।     

यसै गरी तेस्रो खेलमा दिल्ली पब्लिक र समिट कुलले प्रत्येक क्वाटरमा ८–६, १६–३, ७–९ र १३–९ अंक जोडेका थिए । चौथो खेलमा प्रभात स्कुल र हिमशिखर तरहराले प्रत्येक क्वाटरमा ६–१३, १३–३, ४–० र ३–६ अंक जोड्दै सेमिफाइनल प्रवेश गरेका छन् ।