सुनाखरी, लोटस, प्रभात र दिल्ली पब्लिक स्कुल विजयी

धरान। तेस्रो इन्टर स्कुल मेजर श्रवणकुमार मेमोरियल डिपो बास्केटबल रनिङ कपको पहिलो दिन सुनाखरी, लोटस, प्रभात र दिल्ली पब्लिक स्कुल विजयी भएका छन्।

प्रतियोगिताको पहिलो खेल सुनाखरी स्कुलले काम्रेल स्कुललाई ३२–१९, लोटसले धरान मेघा हिमालयनलाई ३९–१४, प्रभातले डिपो स्कुललाई २३–२१ अंक र दिल्ली पब्लिकले प्याराडाइस स्कुल तरहरालाई ३९–२६ अंकले पराजित गरेको छ। 

पहिलो खेलमा सुनाखरी र काम्रेल स्कुलले प्रत्येक क्वाटरमा ८–३, ५–६, १०–८ र ९–२ अंक जोडे। दोस्रो खेलमा लोटस स्कुल र धरान मेघाले प्रत्येक क्वाटरमा ४–१, १०–२, १४–३ र ११–८ अंक जोडेका थिए।

यसैगरी तेस्रो खेलमा प्रभात स्कुल र डिपो स्कुलले निर्धारित समय सम्म बराबर अंक जोडे पछि खेल थप समयमा धकेलिएको थियो। पाँच मिनटको थप समयमा प्रभात स्कुलले डिपो स्कुलविरुद्ध र ४–२ अंक जोड्दै जित हात पारेका थिए। निर्धारित समयको खेलमा प्रभात र डिपो स्कुलले प्रत्येक क्वाटरमा ३–९, ३–२, २–५ र ३–११ अंक जोडेका थिए। बिहीबार भएको चौथो खेलमा दिल्ली पब्लिक र प्याराडाइस तरहराले ९–०, ४–८, १४–१५ र १२–३ अंक जोडे।  

प्रतियोगितामा आयोजक डिपो स्कुलसँगै धरान मेघा हिमालयन स्कुल, काम्रेल स्कुल, सुनाखरी स्कुल, युनाइटेड गोर्खा एकेडेमी, सियोन स्कुल, होलिल्यान्ड स्कुल, समिट स्कुल, विष्णु स्कुल, आइडल स्कुल, दिल्ली पब्लिक स्कुल, शत्यसिसु निकेतन, लोटस स्कुल, प्रभात स्कुल, हिमशिखर स्कुल तरहरा, प्याराडाइज स्कुल तरहरा, पूर्वाञ्चल इङ्लिस स्कुल तरहराले सहभागित जनाएको छ। सहभागी विद्यालयको प्रतिनिधिहरूको उपस्थितिमा सोमबार आयोजक डिपो स्कुलको बैठक हलमा खेल तालिका तयार गरिएको छ। 

प्रतियोगिताको उद्घाटन खेल धरान मेघा हिमालयन स्कुल र लोटस स्कुलबीच हुनेछ। भाद्र २७ गतेदेखि सुरु हुने प्रतियोगिताको फाइनल खेल ३१ गते हुनेछ। कक्षा १० सम्मका खेलाडीहरूले मात्र सहभागिता जनाउन पाउने प्रतियोगिताका विजेता टिमले नगद १५ हजार रुपैयाँ, उपविजेताले नगद ७ हजार ५ सय रुपैयाँ, ट्रफी, मेडल र प्रमाणपत्र प्राप्त गर्नेछ। प्रतियोगिताका मोस्ट भ्यालुएवल प्लेयर (एमभिपि)ले ट्रफी र प्रमाणपत्र प्राप्त गर्नेछ।