नेपाली टोलीको कप्तानी जिम्मेवारी सोमपालको काँधमा

काठमाडौं। श्रीलंका डेभ्लपमेन्टसँग अभ्यास खेलमा नेपाली टोलीको कप्तानी जिम्मेवारी सोमपाल कामीले सम्हाल्ने भएका छन्।

नियमित कप्तान रोहितकुमार पौडेल क्यानडामै छन्। उनीसँगै दीपेन्द्रसिंह ऐरी र सन्दीप लामिछाने पनि यो खेलमा अनुपस्थित भएपछि कप्तानी जिम्मेवारी सोमपालको काँधमा आइपुगेको हो। 

श्रीलंकाले टस जितेर पहिला बलिङ रोजेको छ। यो खेलमा रोहित, दीपेन्द्र र सन्दीपबाहेक देव खनाल, अर्जुन साउद, भीम सार्की र रिजन ढकाललाई पनि यो खेलमा उपस्थित छैनन्। रोहित र दीपेन्द्रबाहेक सबैको भिषामा समस्या आएपछि खेल गुमाएका हुन्।  

नेपाली राष्ट्रिय क्रिकेट टोलीले श्रीलंकासँग तेस्रो तथा अन्तिम अभ्यास खेल खेल्न लागेको हो। यसअघिका दुवै खेल वर्षाको कारण रद्द भएका थिए।