बागमती र लुम्बिनी उपाधिका लागि भिड्ने
काठमाडौं। प्रथम सहाना प्रधान स्मृति यू–१९ पुरुष तथा महिला भलिबल च्याम्पियनसिपको महिलातर्फ उपाधिका लागि बागमती प्रदेश र लुम्बिनी प्रदेश भिड्ने भएका छन्।
त्रिपुरेश्वरस्थित राष्ट्रिय खेलकुद परिषद् (राखेप) को कभर्डहलमा शुक्रबार सम्पन्न महिलातर्फको दोस्रो सेमिफाइनल खेलमा कोशी प्रदेशलाई ३-० को सेटमा पराजित गर्दै बागमती फाइनलमा पुगेको हो।
लुम्बिनीले २५-१८, २५-६ र २५-९ को सेटमा सहज जित हासिल गर्यो।
जितसँगै बागमती उपाधिनजिक पुगेको छ। बागमतीले समूह चरणको सबै खेल जितेको थियो। बागमती समूह बी मा शीर्ष स्थानमा रहँदै सेमिफाइनलमा पुगेको हो भने कोशी समूह ए बाट उपविजेता रहँदै सेमिफाइनलमा प्रवेश गरेको थियो।
बागमती उपाधिका लागि शनिबार कोशी प्रदेशसँग प्रतिस्पर्धा गर्नेछ भने कोशी तेस्रो स्थानको लागि दोस्रो गण्डकीको सामना गर्नेछ। लुम्बिनीले गण्डकीलाई ३-० को सोझो सेटमा हराउँदै फाइनल प्रवेश गरेको हो।
