काठमाडौं । बुन्डेसलिगामा ह्याम्बर्ग र बायर लेभरकुजनका लागि खेल्दानै सन ह्युङ–मीन एसियाली फुटबलकै अर्का ठूला खेलाडी भइसकेका थिए । प्रिमियर लिग क्लब टोटेनहम पुगेपछि उनीप्रति दक्षिण कोरियाको तेस्रोपल्ट एएफसी एसियन कप च्याम्पियन बन्ने आशा र भरोसा सँधै रहँदै आएको छ ।
अहिलेसम्म तीनपल्ट सनको प्रयास असफल भइसक्यो । उमेरले ३० वर्ष लागेपछि उनलाई अवसर कम हुँदै जाँदैछ । त्यसैले कतारमा भइरहेको एसियन कप उनका लागि दक्षिण कोरियालाई सन् १९६० यता पहिलोपल्ट महादेसीय च्याम्पियन बनाउने अन्तिम अवसर हुनसक्छ ।
समूह ‘ई’ मा रहेको कोरियाले सोमबार बहराइनलाई ३–१ ले हराएको थियो, जसमा कप्तान सन अन्तत कोरियाली टिममा एक्ला विश्व स्तरीय खेलाडी देखिएनन् । पछिल्ला दशक कोरियाली टिममा युरोपेली लिगका खेलाडीको बाहुल्य रहेको छ, जसले टिमलाई साधै बलियो पारेको छ । पूर्वकप्तान कु जा–चोल र कि सुङ–युङदेखि अहिलेका ह्वाङ हि–चान, ह्वाङ इन–बुम र ली जाए–सुङले साधै आ–आफ्ना भूमिका निर्वाह गर्दै टिमलाई कहिल्यै कमजोर हुन दिएका छैनन् । तर, उनीहरू ‘गेम चेन्जर’ भने भएका छैनन् ।
तर, सोमबार बहराइनले सनलाई यसरी आकर्षित गऱ्यो कि उनलाई दुई–तीन जना प्रतिस्पर्धीले निगरानी गर्नुपऱ्यो । त्यसको उपयोग गर्दै ली काङ–इन अगाडि बढे । ह्वाङ इन–बुमले गोलको खाता खोलेपछि दोस्रो हाफको छैटौं मिनेटमै अब्दुल्लाह अल हासाले बराबरी गरेका थिए । तर, बराबरीको पाँच मिनेटमै लीले उत्कृष्ट गोल गर्दै कोरियालाई फेरि अग्रता दिलाएका थिए । फेरि लीले ६८ औं मिनेटमा गोल गरेपछि ताएगुक वरियर्सले राहतको श्वास फेर्न पाएको थियो । उनको यो गोल पनि उत्कृष्ट फिनिसिङको नमूना थियो । यसले उत्कृष्ट प्रदर्शन गर्नसक्ने योग्य खेलाडी भएको मात्रै पुष्टि गरेन कि उनले सनका लागि दुईपल्ट लोभलाग्दा पास पनि दिएका थिए ।
स्पेनी ला लिगा क्लब भ्यालेन्सियादेखि नै ली काङ–इनको क्षमतालाई लिएर चर्चा भइरहेको थियो । गत वर्ष प्लेमेकरको रुपमा स्थापित हुँदै फ्रान्सको लिग वानको पावरहाउस पेरिस सेन्ट–जर्मेन पीएसजी पुगेपछि उनी अझै माथिल्लो तहमा पुगे । उनी टिन एजमा छंदै सन् २०१९ मा कोरियाको सिनियर टिममा संलग्न भएका थिए । उनको कोरियाका पूर्वप्रशिक्षक पाउलो बेन्टोसँग समस्या थियो र बेन्टोले एटिट्युड र फिटनेस लेवल नभएको भन्दै युवा स्टारप्रति गुनासो गरेका थिए ।
त्यसैले ली पछिल्लो विश्वकपलगायतमा धेरै समय बेन्चमै रहेका थिए । तर, उनी मैदानमा उत्रने अवसरको व्यग्र प्रतीक्षामा थिए । उनले बेन्चमा छँदा पनि सँधै प्रेरणा लिइरहे । अन्तत उनले पहिलो रोजाईमै खेल्न पाए, जुन खेलमा पोर्चुगलमाथि २–१ को जित दर्ता गर्दै कोरिया विश्वकप २०२२ को नकआउट चरणमा प्रवेश गरेको थियो । अहिलेका प्रशिक्षक जर्गेन क्लिन्सम्यानसाग लीको त्यस्तो कुनै समस्या छैन । सोमबार सनलाई असफल सावित गरेको खेलमा कोरियाली टिमले लीजस्ता अर्का उत्कृष्ट खेलाडीको प्रतिक्षा गरिरहेको थियो र यसमा टिम धन्य रह्यो ।
र, सनले उत्कृष्ट लय समातेको अवसरमा कोरिया प्रतियोगितामा अगाडि बढ्ने छ, जुन बेला टिमको अग्रपंक्तिमा गतिशील जोडी हुने छ, जसले कोरियालाई ६४ वर्षपछि एसियन कप च्याम्पियन बनाउन सक्छ ।
-1750070144.JPG)
-1750064258.webp)
