काठमाडौं । पोखरामा जारी केपी ओली कप टी ट्वान्टी क्रिकेट प्रतियोगितामा नेपाल पुलिस क्लबका कुशल भुर्तेलले शतक प्रहार गरेका छन् ।
आईतबार मधेश प्रदेशविरुद्धको खेलमा कुशलले शतक प्रहार गरेका हुन् ।
राष्ट्रिय क्रिकेट टिमका महत्वपुर्ण खेलाडी कुशलले पुलिस क्लबबाट केपी ओली कप क्रिकेटमा सहभागी छन् ।
पुलिस क्लबबाट ओपनिङ ब्याट्सम्यानको रुपमा आएका कुशलले १ सय २ रनको शानदार इनिङ्स खेले । उनले ५७ बलमा ८ चौका र ७ छक्काको मदतले शतक प्रहार गरेका हुन् ।
पोखरामा जारी प्रतियोगितामा कुशलले पहिलो शतक प्रहार गरेका हुन् ।
कुशलको १ सय २ रनको इनिङ्स र सुनिल धमलाको ४५ रनको मदतले पुलिस क्लबले मधेश प्रदेशलाई १ सय ७६ रनको लक्ष्य प्रस्तुत गरेको छ । पुलिसका लागि करन केसीले अविजित १६ रन बनाए ।
समूह सीको पहिलो खेलमा पुलिसले मधेश प्रदेशसँग खेल्न लागेको हो ।
