काठमाडौं । एन्फा बैठकमा कोरम नपुगेपछि अन्तिम समयमा उपस्थित भएका मनिष जोशी अफिसियल बनेर फुटसल टिमसँग मंगोलिया लागेका छन् ।
थाइल्याण्डमा अर्को वर्ष हुने एफसी फुटसल एसियन कपको छनोट खेल्न राष्ट्रिय फुटसल टिम मंगोलिया लागेको छ ।
नेपाली टिमको अफिसियलमा मनिष जोशी रहेका छन् ।
प्रतियोगिता मंगोलियामा अक्टोबर ७ देखि ११ गतेसम्म सञ्चालन हुनेछ । नेपाली टिम कोरियर एयरबाट बुधबार साँझ प्रस्थान गरेको छ ।
नेपाली टिममा आदिल हामिद, आशिष दंगाल, अमृत लामा, आर्जु सिंह, विजय श्रेष्ठ, दिपेश घले, मनिकुमार लामा, रजत तिवारी, सञ्जी स्याङ्तान, सरोज तामाङ, सुजित बुढाथोकी, सागर गुरुङ, सुमित श्रेष्ठ र उज्जवल शाही रहेका छन् ।
टिमको मुख्य प्रशिक्षकमा गौरव बस्नेत र सहायक कोचमा थमन भुसाल छन् । टिम म्यानेजरमा बिनोद गुरुङ र हेडअफ डेलिगेट्समा टिकाराम लामा छन् । फिजियोमा नितेश बराल र अफिसियलमा मनिष जोशी औपचारिक टोलीमा रहेका छन् ।
