काठमाडौं । स्पेनिस ला लिगा फुटबलमा बार्सिलोनाले सेभिल्लालाई हराएको छ । शुक्रबार राति बार्सिलोनाले सेभिल्लालाई १–० ले हराएको हो ।
बार्सिलोनाको जितमा सर्जियो रामोसको आत्मघाति गोल पर्याप्त रह्यो । खेलको ७६ औं मिनेटमा रामोसको आत्मघाति गोलमा बार्सिलोना विजयी बनेको हो ।
रियल मड्रिडका पूर्व स्टार रामोस यतिबेला बाल्यकालको क्लब सेभिल्लामा छन् । दुई वर्ष पेरिस सेन्ट जर्मेन पीएसजीमा बिताएर उनी सेभिल्ला फर्किएका हुन् ।
जित सहित बार्सिलोना ला लिगाको तालिकामा शीर्ष स्थानमा उक्लिएको छ । बार्सिलोनाले ८ अंक बनाएको छ ।
सेभिल्ला ७ अंक सहित १२ औं स्थानमा छ ।
