एनएसएलको चौथो संस्करण सेप्टेम्बरदेखि नोभेम्बरको बीचमा हुने

काठमाडौं। नेपाल सुपर लिग (एनएसएल) को चौथो संस्करण सेप्टेम्बरदेखि नोभेम्बरको बीचमा हुने भएको छ।

काभ्रेको धुलिखेलमा शुक्रबार सम्पन्न अखिल नेपाल फुटबल संघ (एन्फा)को साधारण सभाले वार्षिक क्यालेन्डर सार्वजनिक गर्दै एनएसएललाई प्रतियोगिता सञ्चालन गर्न उक्त समय दिइएको हो।

गत महिनामात्रै एनएसएलको तेस्रो संस्करण सक्किएको थियो। फाइनलमा ललितपुर सिटी एफसीले पोखरा थन्डर्सलाई २–१ ले पराजित गर्दै लगातार दोस्रोपल्ट उपाधि हात पारेको थियो।