वेस्ट इन्डिजमाथि भारतको सानदार जित

काठमाडौं । पाहुना टोली भारतले चौथो टी-ट्वान्टी आई खेलमा घरेलु टोली वेस्टइन्डिजमाथि ९ विकेटको सानदार जित हात पारेको छ । 

योसँगै पाँच खेलको टी-ट्वान्टी आई सिरिज २-२ को बराबरीमा पुगेको छ ।

घरेलु टोलीले दिएको १ सय ७९ रनको लक्ष्य पाहुना टोलीले १७ ओभरमा १ विकेट गुमाउँदै पूरा गर्यो । 

भारतको जितमा ओपनर यशस्वी जैसवालले ५१ बलमा ११ चौका र ३ छक्कासहित अविजित ८४ रनको अर्धशतकीय ईनिङ खेले । 

अर्का ओपनर शुभमन गिलले ४७ बलमा ३ चौका र ५ छक्कासहित ७७ रनको अर्धशतकीय इनिङ्स खेले । पहिलो विकेटका लागि गिल र जैसवालले १५ दशमलब ३ ओभरमा १ सय ६५ रनको साझेदारी हो ।

त्यसअघि टस जितेर पहिला ब्याटिङ रोजेको वेस्टइन्डिजले निर्धारित २० ओभरमा ८ विकेट गुमाउदै १ सय ७८ रन बनाएको थियो । 

वेस्टइन्डिजका शिम्रन हेटमायरले ३९ बलमा ४ छक्का र ३ चौकासहित ६१ रनको अर्धशतकीय ईनिङ खेले ।

शाई होप २९ बलमा २ छक्का र ३ चौका सहित ४५ रनमा आउट भए । 

भारतका लागि अर्शदीप सिंहले ३ तथा कुलदीप यादबले २ विकेट लिए । युजभेन्द्र चाहल, मुकेश कुमार र अक्षर पटेलले समान १/१ विकेट लिए । 

दुईबीचको पाँचौं तथा निर्णायक खेल आईतबार हुनेछ ।