एसियन गेम्स : स्क्वासबाट ६ खेलाडी छनोट

काठमाडौं । चीनमा आयोजना हुने १९ औं एसियन गेम्सका लागि स्क्वासबाट ६ खेलाडी छनोट भएका छन्  ।

नेपाल स्क्वास एण्ड राकेट्स संघले आयोजना गरेको छनोटबाट ३ पुरुष र ३ महिला खेलाडी छनोट गरेको हो ।

पुरुषतर्फ अरहन्त केशर सिंह, अमृत थापा मगर र अमिर ब्लोन छनोट भए ।  महिलातर्फ विपना ब्लोन, कृष्णा थापा र स्वस्थानी श्रेष्ठ छनोट भएका छन् ।

प्रशिक्षकको भूमिकामा हिराबहादुर थापा र टि मेनेजर संघका अध्यक्ष किशोर महर्जन रहेका छन् ।

एसियन गेम्समा नेपालले स्क्वासतर्फ एकल र टिम इभेन्टमा प्रतिस्पर्धा गर्नेछ ।

एसियन गेम्स आगामी असोज ६ गतेदेखि सुरु हुँदैछ ।